Голем астероид 4179 Тоутатис долг 4,46 километри неделава ќе помине близу Земјата, велат астрономските стандарди.Тоутатис е еден од најголемите астероиди кои циклично се приближуваат на Земјата. Но, сметајќи дека овој пат ќе помине на оддалеченост од 6,9 милиони километри, 18 пати поголема оддалеченост од Месечината, нема да претставува никаква опасност за нашата планета. Во текот на најблиското поминување нема да може да се види со голо око, но и обични аматерски телескопи ќе бидат доволни.

Зошто 4179 Тоутатис е интересен за научниците? Затоа што анализата на неговиот состав треба да овозможи согледување на времето кога се создавал Сончевиот систем. Составот на астероидот научниците можат да го одредат врз основа на неговата ротација.

Тоутатис е наречен по келтскиот бог, заштитник на племињата, а има необичен облик налик на кикирики или снешко. Се врти околу својата подолга оска, но и околу центарот, а покрај Земјата поминува секои четири години. Мајкл Буш и неговиот тим од опсерваторијата Натионал Радио Астрономѕ Обсерваторѕ, направија радарски снимки на Тоутатис во 2000, 2004 и 2008 година, врз чија основа открија дека вртењето на астероидот при секое поминување покрај Земјата и Сонцето малку се менува под влијание на гравитациските сили. Анализите на овие промени треба да ја откријат распределбата на неговата маса. Според постоечките податоци таа не е еднолична, туку некаде е погуста, а некаде поретка.

– Астероидот може да има многу комплицирана внатрешна структура – објасни Буш.

Постојат две главни сценарија кои би можеле да ги објаснат необичните својства и изгледот на овој астероид. Според првото во него можело да удри некое помало тело и да откине дел од материјалот. Според второто сценарио, можно е да се создал при соединување на две небесни тела.

Секогаш кога Тоутатис се приближува на Земјата, весниците за исчезнување на светот на интернет креваат паника и покренуваат расправи за тоа што би било кога би било. Шпекулациите беа посебно изразени во 2004 година кога поминал многу блиску до Земјата – на само четири оддалечености до Месечината, па можел да се види со голо око. Стручњаците истакнуваат дека неговото движење во подалечна иднина, низ следните илјада години, тешко може да се предвиди, но тврдат дека во овој век нема шанси да удри во Земјата.

Нема страв во следните векови

Хрватскиот ловец на астероиди Стефан Цикота, студент по физика на Универзитетот во Сплит, откривач на околу 3300 астероиди, во рамки на Шпанскиот проект La Sagra Sky Survey вели дека Тоутатис е еден од над 1000 тела кои спаѓаат во потенцијално опасни објекти за Земјата. На јавноста веќе и е добро познат поради неговите блиски поминувања покрај Земјата, кои за последен пат се случуваа во 2004 и 2008 година.

– Следната блиска средба ќе се случи на 12 декември 2012 година кога ќе помине на оддалеченост од 0.046 астрономски единици, т.е. 6.900.000 километри. Иако по димензии е прилично голем, со размер од околу 4,5 километри, нема да може да се види со голо око. Ќе постигне најголем привиден сјај од 10.7 магнитуди, па ќе биде видлив само со подобри аматерски телескопи.

– Благодарение на блиските поминувања и вниманието кое го предизвика кај астрономите, неговата орбита е многу прецизно одредена, па познато е дека не претставува никаква опасност за Земјата во следните 600 години – вели Цикота.

Преземено од: kurir.mk