Московското метро планира до крајот на годината да активира систем за интелигентен видео надзор.Со помош на 20 илјади паметни камери ќе бидат скенирани лицата на луѓето и идентификувани сомнителни патници и багаж оставен без надзор. Ова го откри директорот на московското метро Дмитриј Пегов.
„До крајот на годината планираме да пуштиме систем од интелигентни решенија за видео надзор како дел од програмата за безбедност на транспортот. Сега работиме на имплементација на системот. Мислам дека тоа ќе биде многу корисно за нас, не само во однос за идентификување на потенцијално опасните лица и предмети, но исто така и во однос на регулирање на протокот на патници, усвојување на оперативни одлуки и долгорочно планирање“ – рече Пегов во интервју за весникот „Известија“.
Системот вклучува монтирање на специјални камери на влезот од станицата и на сите перони.
„Новите камери ќе го скенираат лицето на секој патник на влезот за да го следат понатаму. На тој начин им помагаат на полициските инспектори и на силите за безбедност во нивната работа“ – рече директорот.
Во првата фаза, системот ќе ги идентификува лицата на влезот и на излезот, ќе „обрнува внимание“ на продолжено останување на човек на перон или на друго место, ќе следи предмети кои остануваат долго време неподвижни.
„На пример, ако сте оставиле чанта, таа ќе падне во видното поле на системот и тој ќе поднесе сигнал. Ќе се следат и луѓе со невообичаено однесување (на пример агресивни гестикулации) и оние коишто се обидуваат да сокријат обемни предмети под облеката. Сето ова е вклучено во програмата и ќе се регистрира автоматски“ – истакна Пегов.
Во втората фаза ќе бидат скенирани лица, коишто ќе бидат споредени со базите на податоци на органите за прогон. 
„Ние имаме сопствена служба за безбедност, која работи заедно со полицијата. Ако системот поднесе сигнал до вработените поврзани со безбедноста на транспортот, ќе се вложат максимални напори за идентификување на лицето да се запре навреме“ – раскажува Пегов.
Според него, системот ќе се реализира во неколку фази и истовремено ќе се имплементира во целиот транспортен систем на метро. 
Доколку изведувачот го испочитува рокот, системот ќе проработи кон крајот на оваа година.Со помош на 20 илјади паметни камери ќе бидат скенирани лицата на луѓето и идентификувани сомнителни патници и багаж оставен без надзор. Ова г