IT компанијата Codewell повторно излегува во пресрет на оние кои што сакаат да ја истражат Македонија со нова iOS верзија на мобилниот туристички водич за – Охрид Trawell Ohrid

Младата просперитетна компанија Codewell, која е дел од ПСМ инкубаторот во Скопје, со огромно задоволство ни ја претставува новата везија на Trawell Ohrid која што ќе биде достапна овој пат за iPhone и iPad. Овој туристички водич ги нуди истите опции како и Trawell Ohrid и Trawell Skopje кои се наменети за телефони кои користат Android оперативен систем.

Една од бенефициите кои ни се овозможени со овој туристички водич е функцијата т.н. збогатена реалност или augmented reality која ни дава информации за места кои се во наша близина вклучувајќи ја нивната одалеченост и ориентација. Исто така вклучена е и мапа со која посетителите на Охрид можат полесно да стигнат до посакуваните места. Воедно, корисниците на оваа апликација можат и однапред да ја испланираат својата прошетка низ Охрид.

Официјално, единствениот Македонски туристички водич за Охрид е достапен за бесплатно симнување од App Store маркетот веќе од 1ви Септември. За да можете да ги уживате сите придобивки кои ви ги нуди мобилната апликација Trawell Ohrid задолжително е да имате iPhone или iPad со iOS верзија не постара од 5.1.