Во тек е пријавувањето за манифестацијата „Новогодишните бои на Скопје“

Градот Скопје Ве информира дека е во тек пријавувањето за учество во веќе традиционалната манифестација „Новогодишните бои на Скопје“, со која жителите на главниот град се мотивираат и стимулираат да ги украсуваат своите домови и работни простории и да придонесат во разубавување на празничниот амбиент на градот.Заинтересираните граѓани и правни субјекти коишто сакаат да учествуваат во манифестацијата, односно да се натпреваруваат за најинтересно и најкреативно новогодишно украсување, можат да се пријават на телефонскиот број 3297 265, од 9 до 16 часот, до 22 декември 2014 година.
Фотографиите од украсените објекти, заедно со податоците за сопствениците, телефонскиот број и адреса, учесниците може да испраќаат на Интернет-адресата [email protected] или на адреса: булевар Илинден бр.82, со назнака за манифестацијата „Новогодишни бои на Скопје“.
Град Скопје и оваа година, традиционално избира:
1. Најубаво новогодишно украсен двор од индивидуална станбена куќа;
2. Најубаво новогодишно украсена тераса од стан;
3. Најубаво новогодишно украсен угостителски објект (надворешно);
4. Најубаво новогодишно украсен двор на средно училиште.
Пријавените објекти ќе ги посети жири-комисија којашто ќе биде составена од претставници на медиумите. Градот Скопје и годинава обезбеди награди од 10 000 денари, што ќе им бидат доделени на првонаградените од трите категории, исто така ЕВН Македонија ќе ги ослободи првонаградените во сите категории, еднократно од плаќање на сметката за потрошена електрична енергија, за месец декември 2014 година.
Наградите на најуспешните ќе им ги додели градоначалникот на Град Скопје, Трајановски, со претставници од ЕВН Македонија, на крајот на месец декември.Заинтересираните граѓани и правни субјекти коишто сакаат да учествуваат во манифестацијата, односно да се натпреваруваат за најинтересно и најкреат

Пронајдете не на следниве мрежи: