Млада Сиријка, којашто во петокот во болница во Славонски Брод роди девојче, ги изненади сите откако ѝ го даде името Кроација.Таа изјавила дека нејзината одлука доаѓа како благодарност кон луѓето коишто ѝ помогнале во Хрватска.
„Трудницата дојде во петокот без преведувач во придружба и околу 11 часот роди прекрасно девојче, своето седмо дете. Детето беше тешко 4.130 грама и долго 54 сантиметри. Породувањето помина без компликации. Подоцна, откако пристигна и преведувачот, мајката изјави дека пред малечката Кроација родила шест деца – пет момчиња и едно девојче. Таа изјави дека сите кон неа во Хрватска постапувале добро и дека поради тоа сака на новородената ќерка да ѝ го даде името според нашата земја“ – опишале медицинските сестри.