Најновиот тренд на социјалните мрежи, што го потврдуваат директорите на основните училишта и социолозите, се шири како епидемија – девојчињата меѓусебно си праќаат разголени фотографии и повикуваат на разуздано однесување.Колку поразголени и провокативни фотографии имаат на Фејсбук, толку повеќе следбеници имаат. Тие повикуваат други девојчиња да се запознаат со нив, да споделат фотографии…
„Првпат слушнав за ова кога ќерка ми ме праша дали може да се запознае со едно од тие девојчиња. Кога го видов профилот на девојчето, малку фалеше да паднам во несвест. Нејзините голи фотографии лесно можат да се најдат на социјалните мрежи“, вели Г. Л.
Една од најпопуларните девојчиња, која има преку 5.000 следбеници и пријатели, остава бројни провокативни фотографии и видео записи. Она што е алармантно е дека покрај малолетените момчиња, на нивните фотографии коментираат и полнолетни мажи кои ги повикуваат на секс.
„Едната од нив оди во нашето училиште и се обидовме да ги предупредиме нејзините родители. Меѓутоа, тие нѐ прекорија дека се мешаме кај што не ни е местото. Ние сме должни да го пријавиме секое девијантно однесување. Еден таков случај пријавивме во Центарот за социјална работа, но ништо не се случи. Не знам веќе што би требало да направат тие деца за да реагираат нивните родители“, вели директорот на едно белградско основно училиште.
Профилите на тие девојчиња се полни со пораки и фотографии кои се непримерени, а колку се популарни, зборува и една страница на Фејсбук, на некоја си „озборувачка“ која го следи секој нивен чекор.
Фaкт е дека девојчињата не се свесни дека можат да станат плен на педофилите и сексуалните предатори.
„МВР и обвинителството ќе ги испитаат сите факти кои се поврзани со овој случај и ќе ги преземеме сите потребни мерки за да гo заштитиме било кое дете од злоупотреба. Исто така, во целиот процес треба да се вклучат и останатите иснтитуции, за да можеме да направиме консензус кој ќе се однесува на мерките кои треба да се преземат за да се спречи една ваква појава“, изјави министерот Небојша Стефановиќ за српски Блиц.Колку поразголени и провокативни фотографии имаат на Фејсбук, толку повеќе следбеници имаат. Тие повикуваат други девојчиња да се запознаат со нив,
