Во прилог ви донесуваме делови од познатиот говор на Јосиф Бродски, кој го одржа пред апсолвентите на Универзитетот во Мичиген, на стадионот во Ен Арбор во декември 1988 година.1. Трудете се да го проширувате речникот. Целта не е да ја зајакнете елоквентноста, ниту да се претворите во светски ум. Целта е да можете да се изразувате што е можно поцелосно и попрецизно, со еден збор, целта е вашата рамнотежа.
Секој ден во душата на човекот настапуваат многу промени, но начинот на изразување често останува ист. Неговата способност да се изјаснува заостанува од искуството. Чувствата, нијансите, мислите и перцепциите кои остануваат неименувани и неискажани, се натрупуваат во внатрешноста од личноста и можат да доведат до психолошка експлозија или гневно однесување.
За да се избегне ова, не треба да се претворите во книжни црви. Едноставно, мора да го надоградувате речникот секој ден. Читајте книги и поезија! Тие се прилично евтини, но дури и најскапите чинат помалку од посетата на психијатар.
2. Не верувајте им премногу на политичарите – не затоа што тие не се многу чесни, туку поради зголемувањето на обемот на работата. Во најдобар случај, тие можат да го намалат социјалното зло, но не и да го искоренат. Колку и суштински да е подобрен квалитетот на живот, тој секогаш ќе биде занемарлив, бидејќи секогаш ќе има дури и еден човек кој нема да има корист од тоа подобрување.
3. Светот е несовршен. Златен век никогаш немало и нема ни да има. Единствено што ќе се случи со светот е дека тој ќе стане поголем, поброен, но нема да ги зголеми своите димензии. Колку и да е праведен човекот кој сте го избрале заедно да го делите колачот, светот нема да ги зголеми своите димензии, а порциите сигурно ќе станат помали. Во светлината на ова тврдење или, подобро кажано, во темнината – треба да се потпрете на домашното јадење кое самите ќе го подготвите. Односно, да управувате со светот самостојно или барем со оној дел од него, кој ви е достапен и се наоѓа во границите на вашите можности.
4. Обидете се да бидете скромни. И сега сме премногу скромни, а наскоро ќе бидеме уште повеќе. Борбата за место под сонцето, секако е на сметка на другите кои не го прават тоа. Тоа што ви се наметнува да газите по нозете на некого не значи дека треба да му се качите и на рамената. Од оваа точка ќе ја вашата позиција – видна за сите, но несигурена – позицијата на оние наречени богати и славни.
5. Сакате некогаш во еден светол момент да станете богати и славни, или и двете? Не ѝ се предавајте целосно на таа мисла. Да копнеете по тоа што го има некој друг, значи да ја загубите сопствената посебност. Од друга страна, сепак, тоа го стимулира масовното производство.
6. Избегнувајте да си го припишувате статусот на жртва. Колку и да е ужасна ситуацијата во која се наоѓате, трудете се да не ги обвинувате надворешните сили за тоа – историјата, државата, законот, расата, родителите, фазите на Месечината, детството, итн. Треба да разберете дека Вие самите сте решение за вашите проблеми.
7. Почитувајте животот: не само поради неговите убавини, туку и поради неговите потешкотии. Тие се дел од играта и убавото во нив е дека тие не се лага. Секој пат кога сте очајни или се наоѓате на границата на очајот кога имате проблеми или потешкотии, запомнете: животот разговара со вас на единствениот јазик кој најдобро го знае.1. Трудете се да го проширувате речникот. Целта не е да ја зајакнете елоквентноста, ниту да се претворите во светски ум. Целта е д
