Ако секој ден издвојувате по 10 минути за вежбање на мускулите на задникот, веќе за еден месец ќе може да се забележат резултати во неговиот изглед и цврстина. Освен што вежбите за задник се идеална припрема за костим за капење и за на плажа, зајакнувањето на овие мускули подразбира и активирање на мускулите на нозете и грбот, што помага во подобро држење како и за целокупното здравје.
Помеѓу наједноставните, но најделотворни вежби спаѓаат чучевци, расчекор и мост.
 
Длабоки чучевци го подигаат задникот
Освен што делуваат на сите мускули на задникот, чучевците бараат многу енергија и се одлична аеробна вежба
 
Важно е правилно да се изведат чучевците за да добиете максимални резултати и да се намали ризикот од повреда.

Застанете во расчекор во ширината на колковите, а рацете поставете ги пред себе, паралелно на подот. Спуштајте се према долу во речиси седечка позиција, но притоа пазете колената да не ви одат нанапред, т.е да не ги пројдат врвовите на ножните прсти гледајќи одозгора.
 
Градите и грбот треба да бидат рамни, а како се спуштате, спуштајте ги и рацете. Наслонот секогаш треба да биде на петите. Полека подигнете се нагоре и откако ќе се исправите, цврсто затегнете го задникот. Правете два сета од десет повторувања, а секој ден зголемувајте го бројот на повторувањата.
 
 Расчекор за обликување
Застанете со едната нога испружена напред со целото стапало на подот, а другата ставете ја зад неа подигната на врвот од прстите. Ногата која ви е назад спуштајте ја со коленото према подот и целиот наслон треба да паѓа на таа нога.
 
Како се спуштате надолу, свиткајте ја предната нога со коленото, но внимавајте  коленото да не го помине врвот на прстите на нозете, исто како кај чучевците.
 
Полека спуштајте ја задната нога за да го допре подот и задржете се во таа позиција неколку секунди. Потоа полека кревајте се нагоре и затегнете го задникот откако ќе се исправите.
Направете десет повторувања со другата нога напред и внимавајте ниеден чекор да не трае помалку од четири секунди за да добиете максимални резултати.
 
Мост со задникот за цврстина
Легнете на грб со свиткани колена, нозете поставени во ширина на колковите, а рацете поставени до телото. Петите потпрете ги цврсто на подот, а потоа подигнете ги колковите и задникот во воздух со тоа што грбот и градите ќе останат на подот.
 
Во највисоката позиција цврсто затегнете го задникот и останете така пет секунди, а потоа повторно спуштете се долу.
За потешка варијанта на оваа вежба, подигнете ги рацете во воздух и во таа позиција можете да ги одвојувате и приближувате колената едно до друго. Направете серија од 15 повторувања, одморете се една минута и повторно повторете. 
Ако секој ден издвојувате по 10 минути за вежбање на мускулите на задникот, веќе за ед