Доколку се прашувате како да изгледате одлично и во својата 40-та година, Трејси Андерсон, личниот тренер на ѕвездите Џенифер Лопез и Гвинет Полтроу, има совети за вас.
Таа на својот Инстаграм профил објавила фотографија од пред 23 години со цел да покаже колку е променето нејзиното тело. Таа во 40-тите години изгледа поубаво и посексапилно отколку што изгледала пред 20 и повеќе години.
Трејси признава дека главниот виновник за одличниот изглед е токму фитнесот.
“Една од причините зошто сум толку фокусирана на мојата метода е бидејќи напорната работа лично ми се исплатеше. Секоја “пред и потоа” трансформација е единствена и верувам дека највредното нешто што оваа промена го носи не е видливо со голо око”, изјавила Трејси.
Таа ја осмислила својата програма пред 20 години кога сфатила дека нешто недостасува во нејзиниот фитнес тренинг.
“Се занимавав со истражување и сакав да бидам сигурна дека она што го откривам е 100 проценти точно. Мојата мисија отсекогаш била пронаоѓање на баланс на најдобриот можен начин. Тајната на успехот е во пронаоѓање на нешто кое најмногу му одговара на вашето тело”, додала Андерсон.
