За разлика од другите години кога војниците маршираа со слоганот “Македонија е грчка“, годинава и покрај тоа што традиционално Денот на независноста на Грција, 25 март ќе биде одбележан со воена парада во Атина, нема да смеат да го употребат овој слоган.
Откако на вчерашната студентска парада, која и претходи на воената, беше забрането да се изведува националистичкиот марш „Славна Македонија“коментарот на грчките медиуми гласеше “Македонија молчи“. Според протоколот ваква одлука донеле Општината и општинскиот регион Атина.
Грција ги презема сите мерки да не се случи некаков инцидент на популарниот “Охи Ден“, кој обично во минатото го правеа специјалните поморски сили – „жабите“, извикувајќи погрдни пароли против Македонци или Албанци, без притоа да се применат санкции против инцидентите.
Сега, по потпишувањето на Преспанскиот договор, воениот врв најавува дека ќе бидат санкционирани какви било инциденти, а е испратена и наредба со која се забрануваат секакви пароли.
Пронајдете не на следниве мрежи:
