сабота, 21 ноември 2026
Најново

Од следниот месец Грција ќе почне вакцинација и со Новавакс

epa09111689 Elderly people who live in South Athens leave a vaccination center after receiving a shot of the first dose of the Moderna vaccine against the coronavirus disease (COVID-19), in South Athens, Greece, 02 April 2021. (The banner reads EXIT) EPA-EFE/ORESTIS PANAGIOTOU
Претпочитан извор Додај го Пулс24 во твоите извори на Google Додај

Во програмата за имунизација, Грција од следниот месец ќе ја вклучи и протеинската вакцина Новавакс, соопшти генералниот секретар во Министерството за здравство на Грција Мариос Темистоклеус на денешната прес конференција, јави дописничката на МИА од Атина.
Темистоклеус објасни дека во следниот период очекуваат вкупно 474.000 дози, од кои 168.000 ќе пристигнат за 20 дена, а од почетокот на март, вакцината ќе биде достапна во конкретни центри за вакцинација.
Во однос на процесот на имунизација во Грција,Темистоклеус рече дека над 7.330.000 граѓани се целосно вакцинирани, односно 69,8 отсто од општото население и 79,3 проценти од полнолетната популација.
Од 5.816.000 граѓани кои имаат право да примат бустер доза, веќе ја примиле 83,8 проценти.
На денешната прес конференција, генералниот секретар, кој е надлежен за процесот на вакцинација во земјата се осврна и на вакцините кои Грција ги донираше на други земји или на билатерално ниво или преку Ковакс механизмот.
Вкупно три милиони дози Грција директно им донирала на Северна Македонија, Албанија, Кенија, Украина, Либија, Јордан, Руанда, Тунис, Египет, Иран, Виетнам, Гана, Габон и Босна и Херцеговина, додека пак 5,7 милиони се преку програмата Ковакс.

Поврзани вести