Цената на никелот во вторникот се искачи на историски максимум поради стравувањата дека руските залихи може да секнат поради санкциите поврзани со Украина.
Цената на никелот на Лондонската берза за метали (LME) порасна за 110,8% до 101.350 долари за тон околу 08:00 часот. За првпат цената рекордно надмина 100.000 долари по тон и порасна речиси 3,5 пати од почетокот на неделата. Подоцна изгуби се стабилизираше, сепак тргувајќи се по 82.340 долари за тон до 09:00 часот.
Аналитичарите го објаснуваат порастот на цената на никелот со стравувањата од потенцијални прекини во снабдувањето, бидејќи металот е клучна компонента на литиум-јонските батерии, кои се користат во сè, од домашни апарати до електрични автомобили, како и главна компонента за производство на нерѓосувачки челик.
„Турбуленциите на берзата со цената на никелот се предизвикани од стравот од недостиг на метал во случај да има прекини во пратките од Русија, која е главен светски снабдувач, поради логистички или финансиски проблеми, како и потенцијални нови санкции од Западот“, изјави за ТАСС аналитичарот на Финам, Алексеј Калачев. Сепак, аналитичарот истакна дека санкциите што го засегаат рускиот никел „не се веројатни, бидејќи постои голема зависност од испораките од Руската Федерација“.
Русија произведува речиси 10% од светската понуда на никел. Руската компанија Норилск Никел е број еден во светот во однос на производството на висококвалитетен никел, со учество од повеќе од 20%.
Руските рудари и производители на метал досега ги избегнуваа санкциите од Западот, воведени кон Русија, откако Москва започна воена операција во соседна Украина. Сепак, за речиси сите руски компании станува потешко да работат бидејќи се повеќе меѓународни операции со Русија се подложени на казни. Некои упатени во пазарот велат дека има потези меѓу западните финансиски институции да престанат да се занимаваат со руски компании, додека други веруваат дека странските партнери на Русија барале начини индиректно да ги испорачаат руските стоки во случај да бидат забранети процедурите за директна испорака.
Останатите метали, исто така, се зголемија поради стравувањата од понудата. Паладиумот, од кој 30% се произведува и во Русија, од околу 1.900 долари за унца на почетокот на годината се искачи на 3.886 долари – повеќегодишен максимум. Алуминиумот постави нов рекорд од над 4.000 долари за тон во понеделникот, додека бакарот се искачи на 10.542,5 долари за тон.
Пронајдете не на следниве мрежи:
