Иако многумина пијат кафе дури и после работа, експертот за спиење д-р Кармел Харингтон вели дека тоа може да го наруши квалитетот на ноќниот сон.
„Ако не можете да се откажете од попладневната шолја кафе, изберете кафе без кофеин. Ова е особено важно ако сте во возрасна група од 35 години нагоре, бидејќи како што старееме, метаболизмот се забавува“, објасни таа.
Не треба да пиете кафе попладне ако сакате добро да спиете. За оние на кои им треба кафе за да си го поправат денот, таа препорачува промена на вечерната рутина.
„Еден час пред спиење, исклучете ги сите апарати, затемнете ги светлата и посегнете по есенцијални масла што го поттикнуваат спиењето, како масло од лаванда“, советува лекарот.
Покрај тоа, идеално е да се туширате или да се бањате и да читате, а не да гледате телевизија. Ова ќе ве исклучи и ќе му сигнализира на вашиот мозок дека е време да заспиете.
Според Healthline, несакани ефекти од внесувањето кофеин се вознемиреност, стрес, несоница, варење, замор, висок крвен притисок и забрзан ритам на срцето. Високи дози на кафе можат да влијаат на луѓето на различни начини, во зависност од чувствителноста на лицето кон кофеинот. Од друга страна, нискиот до умерен внес на кофеин може да обезбеди дополнителни здравствени придобивки.
