Претседателката на Европската комисија, Урсула фон дер Лајен, која денеска од Скопје допатува во Приштина во рамки на нејзината балканска турнеја, порача дека Косово треба да го прифати нацртот за Заедницата на општини со Српско мнозинство, додека Србија мора да прифати де факто признавање на Косово, јави дописникот на МИА од Приштина.
На заедничката конференција со косовската претседателка, Вјоса Османи, по нивната средба во претседателскиот кабинет, фон дер Лајен рече дека дијалогот меѓу Косово и Србија е единствениот пат на двете земји кон напредокот.
- Скандал го тресе Apple: Корисниците изгубија милиони поради 1 апликација – Тужби од сите страни
- САД го нападнаа Иран по речиси една недела пауза
- Сончево време со температура до 39 степени
- Цената на златото падна под 2.900 долари, за среброто се предвидува нов раст
- Која задача ќе ја извршува новиот пратеник за ЕУ, „министер шетач“, а не можат да ја извршат амбасадорот и домашните институции – прашува Бујар Османи
- Грција масовно ги одбива шенгенските визи за Русите
- Бугарин по расправија ја полил сопругата со бензин и ја запалил, па ја гасел со вода
- По хиперхлорирањето, во водата во Гостивар се појавила нова бактерија и затоа сè уште не може да се користи за пиење, рече Мицкоски
- Уапсени петмина педофили во Србија: Се претставувале како девојчиња за да изнудуваат експлицитни снимки од деца
– Имаме нов инвестициски план и тој функционира многу добро. Ако функционира за земјите-членки на ЕУ, ќе функционира и за земјите од Западен Балкан. Овој план има потенцијал да го удвои вашиот приход во рок од една деценија. Сите овие успеси можат да се постигнат само доколку Косово и Србија ги нормализираат односите. Косово мора да го прифати нацртот за Заедницата, додека Србија мора да прифати де факто признавање. Ова е единствениот начин да се оди напред, изјави фон дер Лајен.
По средбата со Османи, фон дер Лајен беше примена од премиерот Албин Курти.
Претседателката на Европската комисија, која вчера во Скопје ја започна својата четиридневна турнеја низ Западен Балкан, по денешниот преестој во Косово, ќе ги посети и Црна Гора, Србија и Босна и Херцеговина.
Како што е најавено од Брисел, за време на посетата на главните градови на Западен Балкан, фон дер Лајен ќе ја претстави Инвестициската рамка за Западен Балкан, која е заедничка иницијатива на Европската Унија, финансиските институции и донаторите, насочена кон социо-економскиот развој и европската перспектива на земјите на Западен Балкан.
Инвестицискиот пакет планиран од Унијата за развој на регионот изнесува шест милијарди евра, од кои 2,1 милијарди евра грантови и четири милијарди евра кредити, со тоа што оваа помош за регионот ќе биде условена од степенот на спроведените реформи во секоја од земјите одделно.
Пронајдете не на следниве мрежи:
