Претседателката на Европската комисија, Урсула фон дер Лајен денеска е во посета на Белград, каде ќе се сретне со претседателот на Србија, Александар Вучиќ и со премиерката Ана Брнабиќ.
Вучиќ и Фон дер Лајен најпрвин ќе имаат разговор лице в лице во Палатата Србија, а потоа ќе се сретнат со членовите на двете делегации.
- Цената на златото падна под 2.900 долари, за среброто се предвидува нов раст
- Која задача ќе ја извршува новиот пратеник за ЕУ, „министер шетач“, а не можат да ја извршат амбасадорот и домашните институции – прашува Бујар Османи
- Грција масовно ги одбива шенгенските визи за Русите
- Бугарин по расправија ја полил сопругата со бензин и ја запалил, па ја гасел со вода
- По хиперхлорирањето, во водата во Гостивар се појавила нова бактерија и затоа сè уште не може да се користи за пиење, рече Мицкоски
- Уапсени петмина педофили во Србија: Се претставувале како девојчиња за да изнудуваат експлицитни снимки од деца
- Собранието ги усвои законите за нов заем од 25 милиони евра од Светска банка
- Љутков: СДС може да оспорува, но Скопје 2014 денес е најпосетувана туристичка атракција
- Фокус: Возила на бугарската амбасада биле оштетени во сообраќајни незгоди, дали амбасадорот Радуков бил зад воланот?!
Вучиќ синоќа изјави дека во текот на денот ќе разговара со претседателот на Европската комисија за сите важни прашања за Србија.
„Таа преноќува во Белград и освен официјалните разговори, потоа ќе имаме и разговори, приватно и ќе вечераме заедно. Ќе имаме многу време да разговараме за сите важни прашања за Србија“, Вучиќ. изјави за ТВ Хепи.
Фон дер Лајен доаѓа во Белград како дел од четиридневната посета на Западен Балкан, која ја започна во неделата во Скопје, со цел да ги претстави деталите од Планот за раст на ЕУ за регионот.
Таа вчера беше и во Приштина, каде на прес-конференција со претседателката на привремените институции на Приштина, Вјоса Османи, рече дека има нов инвестициски план кој функционира многу добро и дека успех може да се постигне само доколку Белград и Приштина нормализирање на нивните односи.
Фон дер Лајен претходно во Скопје се сретна со претседателот на Македонија, Стив Пендаровски и премиерот Димитар Ковачевски, при што таа повтори дека ЕУ планира да им помогне на земјите од Западен Балкан да ги постигнат реформите неопходни за интеграција во европскиот блок со инвестиција од шест милијарди евра.
Во рамките на посетата на Западен Балкан, Фон дер Лајен претпладнево ќе ја посети Црна Гора, а утре Босна и Херцеговина.
