Еден од најпопуларните тјунери повторно го дофати престижното Audi и понуди едно од “најопасните” возила на светот.
“Audi RS7” е само по себе повеќе од изглед на патот. Изгледа одлично, а благодарение на моторот со 630 коњски сили и 850 Nm надгледуван од електроника од врвна класа, е проклето брз на патот. Сепак, “Mansory” смета дека може да понуди повеќе, а не мислиме само на ексклузивни материјали и луксуз.
По обработката од германскиот тјунер, овој модел на Audi развива неверојатни 1050 коњски сили и 1200 Nm, што е повеќе од она што некогаш го понудил “Bugatti” (Veyron), па дури и најновото (хибридно) “Lamborghini”. Модификациите главно се однесуваат на моторот, кој доби нови турбини, издув и контролна електроника.
Епилогот се перформанси на ниво хиперспортските автомобили. Максималната брзина е над 300 км/ч, а спринтот до 100 км/ч е секако под 3 секунди. Точните податоци не се познати, исто како и цената на оваа луда обработка. Сметајќи на огромната моќ, збогатувањето на механиката и карбонските додатоци, заедно со новиот ентериер, секако нема да биде ниска.
