Кина денеска објави дека хипотезата на американската Централна разузнавачка агенција (ЦИА) дека вирусот протечен од кинеска лабораторија ја предизвикал пандемијата „Ковид-19 “ е „исклучително неверојатна“ .„Авторитетниот научен заклучок донесен од заедничката експертска група на Кина и Светската здравствена организација (СЗО), врз основа на теренските посети на релевантните лаборатории во Вухан, е дека е крајно мала веројатноста дека имало истекување од лабораторијата”, изјави портпаролката на Министерството за надворешни работи на Кина, Мао Нинг.ЦИА објави проценка дека е поверојатно дека корона вирусот потекнува од кинеска лабораторија отколку дека потекнува од животни.Портпаролот на ЦИА рече дека „потеклото на пандемијата е поверојатно поврзано со истражување отколку природно потекло врз основа на достапните извештаи“.Одлуката за објавување на таа оценка е една од првите донесени од новиот директор на ЦИА Џон Ретклиф, кој беше назначен од новиот американски претседател Доналд Трамп.
Пронајдете не на следниве мрежи:
