Во кафе-барот Агора во Куманово, вечерва со почеток во 21:30 часот, ќе може да уживате во концертот на турското дуо „Ductape“, кои ќе настапат како дел од нивната турнеја Echo Drama Tour 2025. Ова дуо од Истанбул, составено од Чагла и Фуркан, плени со својот мрачен и емотивен стил, оставајќи силен печат. Ако не сте ги слушнале досега, сега е идеалната можност!
“Ductape” ги редефинираат границите на автентичноста со своите албуми „Echo Drama“, „Ruh“ и „Labirent“, сметајќи се за еден од најимпресивните бендови во дарквејв и постпанк жанрот денес. Тие ги спојуваат минатото, сегашноста и иднината на музиката, извлекувајќи инспирација од андерграунд сцената на Истанбул. Наместо да се потпираат само на традициите, тие изградуваат нови патеки во жанрот, достигнувајќи нови височини и создавајќи звук што предизвикува, фасцинира и одекнува.
Звукот на Ductape е слика на пост-панкот, со меланхолични бас линии и енергични гитарски рифови кои се исполнети со емоции. Му дадуваат нов дух на познатото и носат енергија што тече од почеток до крај. Комбинирањето на креативната страст на Чагла и Фуркан резултира во уникатна музичка синтеза, каде вокалите пренесуваат вистински емоции, а гитарските мрежи се нагласени од пулсирачките бас и тапани.
Настапувајќи низ реномирани сцени и андерграунд простори, Ductape ја распалуваат публиката со своите динамични изведби. Нивната музика служи како бегство од реалноста, нудејќи како утеха, така и катарза и предизвик. Секоја изведба е сведоштво за нивната уметничка зрелост и го носи духот на нивниот уникатен пост-панк стил.
The post Дуото од Истанбул „Ductape“ ќе одржи концерт во Куманово appeared first on 365.mk.
©ПУЛС24.MK Вестите на интернет страницата на редакцијата ПУЛС24.MK може да се користат исклучиво за лично информирање. Без писмена дозвола или посебен договор, не е дозволено преземање, користење или реемитување на вестите.
