Претседателот беше пречекан во Военомедицинската академија од министерот за здравство Златибор Лончар и д-р Драган Динчиќ. Според информациите многу медиуми чекаат пред Академијата за да ја дознаат состојбата на српскиот претседател.

Вучиќ ненадејно се разболе за време на посетата на САД, по што побара лекарска помош и, откако беше прегледан, одлучи да се врати во Србија, што го спречи да се појави на главните настани за кои отиде во Америка.

На Вучиќ му се слошило додека се подготвувал за претстојните состаноци и по средбата со конгресменките Клаудија Тени и Род Благојевиќ, како и со српските претприемачи од Америка. Во тој момент, во собата со него биле министерот за финансии Синиша Мали и Сузана Васиљевиќ, советничка за медиуми на претседателот на Србија.