Омар Абдула, главниот министер на Џаму и Кашмир, објави на социјалната мрежа „X“ и рече дека експлозии се слушнале низ целиот град Сринагар, во Индија.„Што, по ѓаволите, се случи со прекинот на огнот? Експлозии се слушаат низ целиот Сринагар!!!“ рече тој во објавата.Во последователна објава, тој објави видео од експлозиите, пишувајќи:
What the hell just happened to the ceasefire? Explosions heard across Srinagar!!!— Omar Abdullah (@OmarAbdullah) May 10, 2025
„Ова не е прекин на огнот. Единиците за воздушна одбрана во центарот на Сринагар штотуку отворија оган.“Како што објавува „Гардијан“, воените претставници од Индија и Пакистан сè уште не реагирале на експлозиите што се слушнаа над Сринагар и Џаму во саботата навечер.И соработник на CNN објави серија експлозии вечерва по локално време, по што следел прекин на електричната енергија.
This is no ceasefire. The air defence units in the middle of Srinagar just opened up. pic.twitter.com/HjRh2V3iNW— Omar Abdullah (@OmarAbdullah) May 10, 2025
Ројтерс објави дека жителите на индискиот град Џаму се соочуваат со напади со беспилотни летала само неколку часа откако беше објавен прекинот на огнот меѓу Индија и Пакистан.Според очевидци, се слушнале експлозии и се виделе проектили на небото.Да ве потсетиме дека Индија и Пакистан денес се согласија на целосно прекин на огнот, со посредство на САД, изјави американскиот претседател Доналд Трамп.„По долга ноќ разговори со посредство на САД, со задоволство објавувам дека Индија и Пакистан се согласија на целосно и моментално прекинување на огнот. Им честитам на двете земји за користењето на здравиот разум и одличната интелигенција“, напиша Трамп на социјалната мрежа Truth.
