Националната гарда на Украина официјално го потврди нападот на руските сили врз тренинг-базата на вооружените сили на Украина во Сумиската област.
Според извештаите, шест украински војници биле убиени, а уште десет се ранети како резултат на нападот.
Во моментот на нападот, сите биле на стрелиштето каде што изведувале вежби за стрелање.
Украинските блогери тврдат дека бројот на жртви на полигонот за обука на Националната гарда на Украина е најмалку 50, а Русите пријавија над 70 мртви.
„Командата на Националната гарда на Украина претходно разви алгоритми за дејствување и издаде сите потребни упатства за дејствување во услови на закана од воздушни напади, како и за спречување на кршење на безбедносните мерки и натрупување луѓе. Официјалната истрага за трагедијата е во тек. Командантот на единицата е суспендиран, а сите релевантни информации се доставени до надлежните органи“, се вели во соопштението на Гардата.
Истиот ден, овој факт го потврди поранешниот украински офицер Дмитриј Гнап, кој на социјалните мрежи напиша „дека се случила уште една трагедија со масовни жртви на украински војници“.
Пратеникот на Врховната Рада, Алексеј Гончаренко, исто така го потврди нападот. „Вежбовниот полигон е практично на границата со Руската Федерација. Непријателот го следеше вежбовниот полигон. Дронот, кој го корегираше ударот, беше во воздух долго време. Ова е злосторство на оние кои донесоа одлука да спроведат воена обука на фронтовската линија.“
Рускиот систем постојано успеваше да погоди поголема концентрација на украински војници во Сумската област.
Пронајдете не на следниве мрежи:
