Исхраната богата со хранливи материи, како што е овошјето, може да помогне во одржувањето на здрав кардиоваскуларен систем. Според кардиологот д-р Баскар Семити, одредени видови овошје помагаат во чистењето на крвните садови од масни наслаги, како што се холестеролот и триглицеридите. Тој ги препорачува овие две овошја за намалување на ризикот од срцеви заболувања.

Боровинки

Тие се особено богати со антиоксиданси кои помагаат во заштитата на артериите од оксидативен стрес и воспаление. „Оксидативниот стрес е еден од клучните фактори во формирањето на плаки во артериите“, вели кардиологот за „She Finds“. Вклучувањето на боровинки и други бобинки во вашата исхрана може да помогне во намалувањето на стресот, а со тоа да се подобри здравјето на срцето.

Важно е да се запомни дека одржувањето на здравјето на срцето, покрај балансираната исхрана, бара и промени во животниот стил, како што се редовно вежбање, намалување на стресот и избегнување на штетни навики, како што е пушењето.

Цитрусни плодови

Цитрусните овошја, како што се портокалите и лимоните, се богати со витамин Ц, кој ги штити клетките од оштетување. „Витаминот Ц игра клучна улога во спречувањето на натрупување на плаки во крвните садови“, објаснува кардиологот. Редовното консумирање портокали, грејпфрут, лимони може да помогне во зачувувањето на здравјето на артериите.

Пронајдете не на следниве мрежи:

• 
• 
• 
• 
• 
•