Централната власт, откако сум јас градоначалник, нема помогнато за Кочани со апсолутно ништо, открива во гостување во „Политиканти“ в.д градоначалникот на Кочани, Венко Крстевски.

– Нема помогнатно ништо, ние аплициравме и за проектите од унгарскиот кредит. Тука морам да ја пофалам општинската администрација кои за една недела успеаја да ја сменат постоечката апликација во која имаше крпење на улици, ние го тргнавме тоа крпење и бараме средства за пенизонерски дом со капацитет за 140 лица. А побаравме од владата од други фондови да обезбеди средства за крпење на тие улици, засега нема ништо, вели Крстевски.

Како што вели в.д градоначалникот, никој, ниту премиерот, ниту министерот за здравство или од локална самоуправа не го посетиле Кочани и упати покана до сите нив да го посетат градот.