Македонските државјани кои се наоѓаат во Израел сè уште не можат да се евакуираат од израелската територија бидејќи во тек се административните процедури, информираат од МНР за ТВ „24“.

Оттаму додаваат дека владиниот авион исто така сè уште се нема упатено кон Израел, додека не се завршат овие процедури по кои нашите луѓе кои се затекнале во земјата зафатена со војна и да тргнат кон Македонија преку трети земји.

– Дипломатско конзуларното претставништво во Тел Авив е во постојана комуникација со македонските државјани кои побарале помош. Во меѓувреме нема нови лица кои побарале асистенција за напуштање на територијата на Израел и бројката останува 22 лица. Досега нема пријавени македонски граѓани за асистенција во Иран“, велат од Министерството.

Премиерот Христијан Мицкоски, пак, информираше дека евакуацијата на деветмина македонски државјани ќе започне денеска или утре и најверојатно ќе се одвива преку Египет.

ОМНР апелираат македонските граѓани да се воздржат од патувања во Израел и Иран, а воздушниот простор над двете држави останува затворен.