Русија не бара капитулација на Украина, туку признавање на ситуацијата што се развила на терен, изјави рускиот претседател Владимир Путин на пленарната сесија на Меѓународниот економски форум во Санкт Петербург.

Одговарајќи на прашањето дали Русија, како американскиот претседател Доналд Трамп, кој бара капитулација на Иран, очекува безусловна капитулација на Украина и на Володимир Зеленски, Путин објасни дека Русија не бара капитулација на Украина, туку признавање на реалностите што се појавиле на терен.

Како што рече, ситуациите на Блискиот Исток и во Украина се фундаментално различни.

„Прво, оваа ситуација не е иста, туку фундаментално различна. Второ, ние не се стремиме кон предавање на Украина, туку инсистираме на признавање на реалностите што се формирале на терен“, рече Путин. Меѓународниот економски форум во Санкт Петербург се одржува од 18 до 21 јуни. Главната тема на овогодинешниот форум е „Заеднички вредности – основа на раст во мултиполарен свет“