Македонската ракометна легенда Филип Миркуловски се враќа да работи во репрезентативниот ракомет, ама во нова улога. Славниот среден бек ја доби довербата од Ракометната федерација на Македонија и на официјална прес-конференција беше претставен за новата позиција. 

Во иднина Миркуловски ќе биде спортски координатор на машките селекции. Оваа одговорна улога популарниот „Жути“ ќе ја преземе веднаш. 

Филип Миркуловски беше еден од најголемите воини на Македонија. Своевремено средниот бек беше најборбен во тимот, никогаш не се откажуваше и добиваше многу „ќотек“ на терените. По крајот на играчката кариера Миркуловски остана во германскиот тим Вецлар, каде што работеше како тренер и помошник. Сепак, пред крајот на сезоната тој се раздели со овој клуб. 

Извор: ГОЛ.мк