Унгарија јасно стави до знаење дека нема да престане да увезува нафта од Русија, и покрај меѓународниот притисок да се откаже од руските енергетски извори.По состанокот во Брисел со претставници на Европската Унија, унгарскиот министер за европски прашања Јанош Бока изјави дека главната причина за оваа одлука е недостатокот на реални и одржливи алтернативи за снабдување со енергија.Според извештаите на „Еурактив“, Бока нагласил дека географската положба на Унгарија, земја без излез на море со ограничена инфраструктура за диверзификација на снабдувањето со енергија, го отежнува веднашто исклучување од руската нафта. Тој додаде дека Словачка е во слична ситуација.Изненадувачки, унгарскиот министер нагласи дека Соединетите Американски Држави имаат поголемо разбирање кон оваа ситуација.Тој рече дека Вашингтон ја признава тешката реалност со која се соочуваат земји како Унгарија и Словачка и ја признава нивната „уникатна позиција“ како држави без излез на море кои зависат од цевководи што доаѓаат од Исток.Овој став на САД е донекаде спротивен на посилниот притисок што често доаѓа од самата Европска Унија, која постојано бара од сите земји-членки да ја намалат својата зависност од руските ресурси, како дел од целокупната стратегија за казнување на Москва за нејзината агресија во Украина.Ставот на Унгарија предизвика дебата во рамките на ЕУ, покренувајќи нови прашања за единството на блокот во врска со енергетската и безбедносната политика. Сепак, засега, се чини дека Будимпешта го трасира својот курс – со премолчена согласност од Вашингтон.
Унгарија не се откажува од руската нафта – САД наводно разбираат
