Нема да навлегувам во имиња за реконструкција, но заврши еден процес каде Владата се легитимираше, стабилизирање на можноста власта да пофати сите инструменти за спроведување на својата програма, е сега следува периодот каде премиерот треба да ги избере луѓето кои што најдинамично и најквалитетно ќе ги испорачаат очекувањата на граѓаните, порача вечерва во 24 анализа Илија Димовски поранешен висок функционер во ВМРО-ДПМНЕ и во Собранието.
Димовски потенцираше дека правосудството е една од приоритетните позиции во која мора да се направи некаков ред, каков ќе биде тој ред вели си има Влада да мисли. Според него и делот на функционалност на јавната администрација е приоритет.
“Нашата администрација е преобемна, трома, прескапа, нефукционална, ако Владата се посвети и направи тука некое поместување ќе има. Владата мора да се посвети и на буџетските расходи кои ќе мора да ги намали. Во секој ресор има што треба да се сработи, има простор и фронт што треба да се сработи. Владата е со полн капацитет и легитимитет и треба да се посвети на тој процес -вели Димовски.
Тој не очекува и смета дека не треба да има предвремени парламентарни избори.
За малиот број на гласови на Орце Ѓорѓиевски тврди дека не се пртестни гласови туку немање натпревар и мотив, бидејќи неколку месеци пред изборите се знаело дека ќе победи.
За изгубените 140 000 гласови од парламентарните избори до локалните вели дека се повеќе секогаш интересот за парламентарни и мотивацијата е поголема.
The post Димовски: Премиерот треба да ги избере луѓето кои најдинамично и најквалитетно ќе испорачаат, во секој ресор има што да се сработи appeared first on Во Центар.
