„Вооружените сили започнаа одмазднички напад против провокацијата на Киев, што вклучуваше планирано киднапирање на борбен авион МиГ-31“, соопшти ФСБ.
Како одговор на провокацијата од 9 до 10 ноември, главниот центар за електронската разузнавачка служба на Главната дирекција за разузнавање на Министерството за одбрана на Украина во градот Бровари во Киевската област и аеродромот Староконстантинов во Хмелничката област, каде што се стационирани озлогласените Ф-16, беа погодени од нападот на руските воздухопловни сили со хиперсонични ракети „Кинжал“ – се вели во соопштението за медиумите.
– Според информациите од разузнавачките агенции, плановите на непријателот да го киднапира авионот и да го собори над територијата на НАТО во сегашната ситуација би можеле да доведат до непредвидливи негативни последици – пишува РИА Новости.
ФСБ: Ја спречивме операцијата во Романија
Да потсетиме дека Руската Федерална служба за безбедност (ФСБ) тврди дека осуетила операција на украинската воена разузнавачка служба, поддржана од британски оперативци, која имала за цел киднапирање на руски ловец МиГ-31 вооружен со хиперсонична ракета „Кинжал“.
Според руската служба, Главната дирекција за разузнавање на Министерството за одбрана на Украина наводно се обидела да регрутира руски пилоти, ветувајќи им три милиони долари за да киднапираат руски авион, пренесува ТАСС.
– Разузнавачката агенција разјасни дека Главната дирекција за разузнавање на украинското Министерство за одбрана се обидела да регрутира руски пилоти, ветувајќи им три милиони долари. Киев му понудил на еден од пилотите западно државјанство – пренесува РИА Новости.
Според тврдењата на ФСБ, Украинците потоа наводно планирале да го насочат киднапираниот МиГ-31 кон областа на базата на НАТО во Констанца, Романија, каде што би можел да биде соборен од системите за воздушна одбрана, со што би создале провокација.
Руската разузнавачка служба објави дека „преземените мерки ги попречиле плановите на украинските и британските разузнавачки служби за организирање провокација од големи размери“, пренесува Танјуг.
The post РУСКАТА АРМИЈА ПОЧНА ХИПЕРСОНИЧЕН НАПАД ЗА ОДМАЗДА „ПОРАДИ ПЛАНОТ ЗА РОМАНИЈА“: Истрелаа ракети „Кинжал“, тврдат дека целта е погодена! appeared first on Во Центар.
