Во отворен разговор со Пирс Морган, Ѓоковиќ зборуваше за многу интересни теми, а една од нив беше како познатиот тенисер би сакал да биде запаметен кога ќе почине.
„Би сакал на мојот надгробен споменик да пишува „човек кој ги допре срцата на луѓето“. Тоа е навистина важно за мене. Сакам да ме паметат како некој што секогаш играл фер и кој секогаш го давал својот максимум“, рече Ѓоковиќ, додавајќи:
„Тенисот ми донесе гордост, но човечноста и сочувството се вредностите што сакам да ги оставам зад себе.“
Ѓоковиќ рече дека е горд на сите свои достигнувања во тенисот, но дека сцената што ја видел на погребот на Никола Пилиќ на крајот на септември му ги отворила очите.
„Мојот татко тенисер, како што го нарекувам, почина пред нешто повеќе од еден месец, и јас отидов на неговиот погреб. Тоа беше првиот погреб на кој некогаш сум бил. Мојот најголем впечаток од тоа, покрај неверојатната тага и емоциите што ги почувствував, беа човечките врски што ги остави зад себе и ги воспостави во текот на целиот свој живот. Начинот на кој луѓето зборуваа за него беше нешто посебно. Не стануваше збор за тенисот и она што го постигна како играч или како тренер, туку за тоа кој беше како личност, како се однесуваше кон луѓето, како ги менуваше животите на младите луѓе или на секој што беше близок. Така сакам да ме паметат“, рече Ѓоковиќ.
The post Новак Ѓоковиќ откри што би сакал да види напишано на неговиот надгробен споменик appeared first on Во Центар.
