Денес се навршуваат четири години од автобуската несреќа на „Беса Транс“ во Бугарија, во која загинаа 45 лица од Северна Македонија, што е една од најголемите трагедии во земјата.
Во јули 2025 година, судењето во овој случај продолжи откако Апелациониот суд во декември 2024 година ги прифати жалбите на обвинетите и ја поништи првостепената одлука во случајот „Беса Транс“, во кој сопственикот Беким Хаџиу беше осуден на 20 месеци затвор.
Случајот повторно започна во Кривичниот суд, каде што Хаџиу и претставникот на правното лице „Беса Транс“ повторно се на обвинителната клупа.
Според обвинението, 41-годишниот Беким Хаџиу, како сопственик на „Беса Транс“ од село Рашче, преку возачите што го управувале автобусот, користел возачка дозвола што не била издадена од Министерството за транспорт и врски. Со фалсификуваната возачка дозвола за меѓународен сообраќај, автобусот ја напуштил земјата 20 пати во 2021 година, од 10 јануари до ноемвриската несреќа. Трагедијатасе случи на 23 ноември 2021 година во раните утрински часови, кога автобусот на „Беса Транс“, кој се враќал од Истанбул со туристи, удрил во оградата на автопатот Струма, во близина на бугарското село Боснек. Меѓу 45-те загинати имало 12 деца, додека 7 преживеале.
The post Четири години од автобуската трагедија во Бугарија во која загинаа 45 лица appeared first on Во Центар.
