По еднонеделно одложување, започнуваат исплатите на социјалната помош. Граѓаните кои користат финансиска помош од социјална, детска и граѓанска заштита ќе ги добијат своите исплати денес, соопшти Министерството за социјална политика, демографија и млади.
Некои банки веќе ги информираат корисниците дека ќе можат да подигнуваат средства од банкомати уште денес кога парите ќе пристигнат од Министерството, поточно дека имаат можност да ги користат средствата безготовински, за плаќања во продажната мрежа или преку електронско и мобилно банкарство.
Деновиве, ранливите категории граѓани се соочуваат со неизвесност и одложувања што влијаат на нивните џебови. Бројот на корисници на правото на гарантирана минимална помош заклучно со ноември 2025 година е 33.115 корисници.Износот на правото на гарантирана минимална помош се исплаќа во зависност од структурата на семејството и бројот на членови во него, додека основата за пресметување на износот на правото во 2025 година е 5.445 денари.
„Во врска со исплатите за овој месец, Министерството за социјална политика, демографија и млади ве известува дека целата постапка за подготовка на исплатата на социјалните права и заштитата на децата е завршена од страна на службите на Министерството.
Во исто време, ве известуваме дека се очекува исплатата да се изврши што е можно поскоро, поточно најдоцна до денес“, одговори Министерството.
Тие велат дека постојано се трудат средствата за корисниците на социјалните права и заштитата на децата да бидат исплатени што е можно побрзо.
The post Исплатите за корисниците на социјална помош во Македонија се очекува да бидат извршени денес appeared first on Во Центар.
