Северна Кореја тестираше хиперсонични ракети, лидерот Ким Џонг Ун изјави дека земјата „мора континуирано да ја подобрува својата воена опрема“
Севернокорејскиот лидер Ким Џонг Ун, кој присуствуваше на тестови на хиперсонични ракети за време на викендот, ја нагласи потребата на Северна Кореја да ги зајакне своите нуклеарни капацитети за одвраќање, објави утрово државната новинска агенција КЦНА.
Северна Кореја ја објави вежбата еден ден откако нејзините соседи соопштија дека биле забележани повеќе лансирања на балистички ракети и го обвинија Пјонгјанг за провокации.
– Мораме постојано да ги подобруваме воените средства – рече Ким.
Пробите се одржаа во недела, само неколку часа пред јужнокорејскиот претседател да отпатува во Кина на средба со кинескиот претседател.
Според извештаите, целта на вежбата била да се тестира подготвеноста на хиперсоничниот систем за оружје, да се подобрат оперативните вештини на ракетните трупи и да се проценат оперативните способности.
The post ВАКА КИМ ЏОНГ УН ТЕСТИРАШЕ ХИПЕРСОНИЧНА РАКЕТА! Северна Кореја објавува фотографии и пренесува порака од лидерот (ФОТО) appeared first on Во Центар.
