Едно лице загина, а 300 домови и згради се уништени во пожарите што ја зафатија југоисточна Австралија.
Пожари беснеат на десетици локации низ земјата веќе неколку дена, главно во државата Викторија, но и во Нов Јужен Велс, пишуваат странските медиуми, според Телеграф.
Во Викторија е прогласена вонредна состојба, додека илјадници пожарникари и повеќе од 70 авиони се борат со пламените јазици.
На жителите во повеќе од десетина заедници им е советувано да ги напуштат своите домови.
Властите стравуваат дека пожарите, кои се разгоруваат од многу топли, суви и ветровити услови, би можеле да продолжат неколку недели.
Victoria is now in a state of disaster as more than 100 properties have burned to the ground. The bushfire emergency stretches from the state's south to the New South Wales border. @PaulKadak pic.twitter.com/FH1S7uRIaa— 7NEWS Queensland (@7NewsBrisbane) January 10, 2026
Премиерката на Викторија, Џасинта Алан, објави дека низ целата држава горат 30 активни пожари, од кои десет се особено загрижувачки.
Таа рече дека 350.000 хектари изгореле низ целата држава.
Човечки останки се пронајдени во селото Гобур, во близина на градот Лонгвуд, околу 110 км северно од главниот град на државата Мелбурн, соопшти полицијата.
More South Australian emergency personnel have headed across the border to help in fire ravaged Victoria. The deployment comes as the bushfire crisis turns deadly. @GracieAWallace pic.twitter.com/wHvG9BTtBx— 7NEWS Adelaide (@7NewsAdelaide) January 11, 2026
Жртвата сè уште не е идентификувана.
Властите соопштија дека пожарите се најлошите што ја погодиле југоисточна Австралија од пожарите во грмушките во 2019-2020 година, кои уништија област со големина на Турција и одзедоа 33 животи.
The post Едно лице загина, а 300 куќи и згради се уништени во пожари во Австралија appeared first on Во Центар.
