Некои луѓе природно ја преземаат водечката улога, додека други едноставно не можат да го поднесат чувството дека немаат контрола врз ситуацијата. Според астрологијата, одредени хороскопски знаци се посклони кон тоа да бидат наредбодавни и сакаат да го имаат последниот збор, без разлика дали станува збор за работа, врска или пријателство. Важно им е работите да одат по нивниот пат и според нивната визија. Тие често веруваат дека најдобро знаат што треба да се направи, па затоа тешко им дозволуваат на другите да ја преземат водечката улога.
Овен
Луѓето родени под овој знак се познати по својата импулсивност и силна потреба за акција. Тие не сакаат да чекаат или да бараат дозвола, туку веднаш ја преземаат водечката улога и очекуваат другите да ги следат. Кога ќе се најдат во група, брзо заземаат доминантна позиција и јасно ставаат до знаење што мислат дека е најдобро решение. Наредувањето честопати им доаѓа инстинктивно, без лоша намера. Тие веруваат дека брзината и решителноста носат резултати.
Лав
Лавовите сакаат да бидат во центарот на вниманието и имаат чувство на авторитет. Кога ги водат другите, тие често очекуваат безусловно почитување и лојалност. Тие се егоистични и веруваат дека знаат како да ги организираат луѓето и ситуациите. Иако можат да бидат дарежливи, тешко им е да се откажат од контролата. Давањето наредби им дава чувство на важност и потврда за сопствената вредност.
Јарци
Јарците се исклучително амбициозни и ориентирани кон резултати. Кога прават нешто, сакаат сè да оди според планот и јасно поставените правила. Тие често ја преземаат улогата на авторитет бидејќи веруваат дека дисциплината и редот носат успех. Не им се допаѓа хаосот или импровизацијата, па затоа можат да бидат строги со другите. Нивната команда произлегува од потребата за ефикасност, а не од каприц.
Шкорпија
Луѓето родени под овој знак сакаат да имаат контрола зад сцената. Не мора секогаш да даваат наредби гласно, но суптилно ги насочуваат другите и ситуациите. Имаат силна потреба за моќ и тешко ја прифаќаат кога ќе го изгубат влијанието. Нивните инструкции често доаѓаат преку притисок или емоционален авторитет. Им се допаѓа чувството дека тие се оние што ги влечат конците.
The post Тие секогаш мора да бидат главни: Четири хороскопски знаци кои сакаат да даваат наредби appeared first on Во Центар.
