Новак Ѓоковиќ беше поразен во финалето на Австралија Опен од Карлос Алкараз, тенисер број еден во светот, со резултат 2:6, 6:2, 6:3, 7:5. Шпанецот на тој начин го освои трофејот на првиот Гренд слем во сезоната за прв пат во својата кариера, а ова е негова седма титула вкупно на најголемите турнири.

Многу пати го гледавме Новак Ѓоковиќ како пишува историја, но овој пат тоа е на страната на Алкараз, кој стана најмладиот тенисер што некогаш освоил слем во кариерата. Одличен тенис беше одигран на двете страни. Алкараз одигра најдобро што знаеше и по нешто повеќе од три часа борба, стигна до титулата на Австралија Опен.