Русија достави предлози до Соединетите Американски Држави за отстранување на пречките за целосно подобрување на односите меѓу Москва и Вашингтон , што би отворило перспективи за соработка, соопшти денес руското Министерство за надворешни работи.
Соопштението укажува дека е важно да се премине на навистина важни прашања за време на дијалогот меѓу Русија и САД, вклучително и обновувањето на директниот воздушен сообраќај и враќањето на конфискуваниот руски дипломатски имот, објави РИА Новости.
„ На Американците им беа дадени предлози за отстранување на овие сериозни пречки за целосно закрепнување на односите меѓу Москва и Вашингтон “, соопшти Министерството како одговор на прашањата од новинарите примени на прес-конференцијата на рускиот министер за надворешни работи Сергеј Лавров за резултатите од руската дипломатија во 2025 година.
Во соопштението се нагласува дека Русија и САД би можеле да постигнат соработка во областите што администрацијата на американскиот претседател Доналд Трамп ги смета за свои приоритети, како што се јаглеводороди, ретки минерали, соработка на Арктикот, вештачка интелигенција, вселена.
The post Путин му испрати важна порака на Трамп: Животот на милиони луѓе низ целиот свет ќе зависи од тоа како ќе реагира appeared first on Во Центар.
