Лицето кое за време на протестите се закани дека „ќе има убиства и тепачки“ ако полицијата одземе нечие возило, денеска се извини јавно, објаснувајќи дека изјавата ја дало во афект. Според демонстрантот, неговата реакција била предизвикана од одземањето на возилото на неговиот братучед, согласно новите измени на Законот за прекршоци. Тој уверуваше дека слично однесување нема да се повтори.

„Ова нема да се повтори ниеднаш. На братучед ми му ја одзедоа колата. Не ќе се закануваме повторно“, изјави тој. Заканите предизвикаа големи реакции во јавноста, а надлежните институции веќе најавија дека ќе постапуваат согласно законодавството за сите случаи на загрозување на јавниот ред и безбедноста.