Пратеникот Бране Петрушевски од ВМРО-ДПМНЕ против кого поранешниот премиер Зоран Заев поднесе тужба за клевета вели дека стои зад секој јавно изнесен збор и дека е подготвен да ги соочи аргументите на суд.
– Судницата не е средство за заплашување, туку место каде што се утврдува вистината. Денес никој не е над законот. Ниту поранешен премиер ниту актуелен пратеник. Но, наместо Заев да се обидува преку тужби да ја замолчи критиката, нека одговори на суштинските прашања што ја интересираат јавноста. А вистината секогаш излегува на виделина, пишува Петрушевски на Фејсбук.
Поранешниот премиер Заев соопшти дека поднесува тужби против Петрушевски и Жан Митрев, посочувајќи дека нема никаква дилема дека изнесената лага против него ќе биде докажана на суд. Евентуалниот надоемсток кој би го добил, како што пишува, би го донирал.
