Бројни граѓани на Пакистан и Ирак упаднаа во просториите на американските конзулати во овие земји по веста за смртта на иранскиот ајатолах Али Хамнеи.
Видеото прикажува толпа мажи во портите на конзулатот како се обидуваат да ги скршат стаклата на прозорците и вратите за да влезат во главната зграда.
Видеата ја прикажуваат конфронтацијата меѓу полицијата и демонстрантите на улицата пред конзулатот. Додека демонстрантите фрлаа камења, полицијата употреби солзавец во обид да ги растера. Друго видео прикажува десетици мажи внатре во портата на конзулатот како се обидуваат да скршат стаклени прозорци и врати за да влезат во главната зграда.
Инциденти беа регистрирани во Багдад, Ирак, и Карачи, Пакистан. Во Пакистан, безбедносните служби соопштија дека најмалку шест демонстранти биле убиени.
Според соопштението од Спасувачката служба Еди, полицајците употребиле солзавец и палки за да ја стават ситуацијата под контрола, што резултирало со повреди на неколку лица.
Иранската амбасада во Пакистан го осуди „кукавичкиот, гнасен и варварски терористички чин“ од страна на САД и Израел насочен против иранското раководство, по атентатот врз врховниот лидер на Иран.
Во соопштението се потсетува на „храброста, отпорот, непоколебливоста и доживотната посветеност на врховниот лидер, ајатолахот Сејед Али Хамнеи, на идеалите за независност, достоинство и отпор“, се наведува во соопштението.
The post Хаос на улиците на Ирак и Пакистан по смртта на Али Хамнеи, демонстрантите ги разбиваат американските конзулати appeared first on Во Центар.
