Во два одвоени случаи во Скопје пријавено е повторно семејно насилство врз жени. Во едниот случај, мажот на ја нападнал сопругата, а во другиот случај мажот ја претепал поранешната сопруга. Двајцата се приведени на информативен разговор во полиција.
– На 04.03.2026 во 10:30 часот во Полициската станица Кисела Вода, полициски службеници од СВР Скопје извршија службен разговор со А.К.(39) од Скопје, постапувајќи по претходна пријава дека на 03.03.2026 околу 23:30 часот во домот на подрачјето на Бит Пазар физички ја нападнал неговата 22-годишна сопруга. Се преземаат мерки за расчистување на случајот, стои во полицискиот билтен.
Во вториот случај извршен е информативен разговор со 49-годишниот скопјанец со иницијали И.Б кој бил пријавен дека на 1 март околу 19:30 часот физички ја нападнал неговата 40-годишна поранешна сопруга.
По трагичниот настан во Карпош во понеделникот во кој загинаа мајка и дете – жртви на семејно насилство и реакциите од јавноста дека институциите повторно затаиле, министерот за внатрешни работи најави дека секој кој ќе биде пријавен за семејно насилство ќе биде приведен на информативен разговор во полиција.
