Во мексиканското одморалиште Кабо Сан Лукас е снимена необична сцена, кога Моника Петергер се нашла „очи во очи“ со мистериозно морско суштество, кое било насукано на песочна плажа.
Таа објави видео на мрежите, кое брзо стана вирално, со порака дека сè изгледа како „сцена од научнофантастичен филм“.
Ситуацијата е драматична
„Не можев да им верувам на своите очи. Никогаш во животот не сум видела нешто слично. Само си мислев: „Дали е ова вистинско?“ И кога ја видов втората риба, искрено се исплашив. Што се случува?! Сега има две“, рекла таа.
Како што објасни таа, нејзиното семејство прво забележало светла, блескава силуета како се движи во далечината во водата. Меѓутоа, како што суштеството се приближувало кон брегот, станало јасно дека станува збор за нешто сосема необично – риба што никој од присутните не ја видел претходно.
Ситуацијата стана уште подраматична кога се чинеше дека е во неволја. Според Моника, нејзината сестра не се двоумела ниту за момент, објавува „Индија тудеј“.
„Таа едноставно не може да гледа како некој страда. Реагираше како молња! Ги фрли мојот телефон, пијалок и торба кон мене и рече: „Држи го ова“, а потоа скокна во водата“, се присети таа.
View this post on Instagram A post shared by Monica Pittenger (@monicaandco_)
„Што се случува овде?“
Додека другите сведоци се двоумеа, не знаејќи какво суштество е тоа, сестрата на Моника и неколку други луѓе од плажата се обидоа да ѝ помогнат на рибата така што нежно ја турнаа назад во подлабоката вода.
Набрзо следело уште едно изненадување. Кога се вратиле на брегот, забележале уште еден примерок од истиот вид.
„Видовме дека и таа се обидува да се врати во водата, па се прашавме: „Што се случува овде?““, рече Моника.
На крајот, со помош на досетливи луѓе, обете риби беа вратени во морето. Семејството остана на брегот некое време за да види дали чудните суштества ќе се појават повторно.
„Потоа се обидувавме да разбереме што всушност видовме. Почнавме да читаме за видот и тогаш сфативме колку е редок“, рече Моника.
Позната како „риба на судниот ден“
Врз основа на видеото, јасно е дека тие наишле на риби од семејството Regalecus glesne , кои се меѓу најдолгите коскени риби во светот, со просечна должина од околу три метри.
Тие обично живеат на длабочина од околу 900 метри, поради што средбите со луѓе се исклучително ретки, а поради нивната големина, издолженото тело и начинот на движење во водата, се претпоставува дека тие се извор на приказни за „џиновски морски змии“.
Тие се познати и како „риби на судниот ден“ поради мит што потекнува од древниот јапонски фолклор. Во некои култури, имено, постои верување дека тие излегуваат на површината непосредно пред катастрофа, како што се земјотрес или цунами.
Сепак, научниците нагласуваат дека нема потврдени докази што би го поврзале појавувањето на овој необичен вид со природни катастрофи.
The post МНОГУМИНА ВЕРУВААТ ДЕКА ПРЕТСТАВУВА НЕСРЕЌА, „риба на судниот ден“ се појави во добро познато одморалиште, настана хаос appeared first on Во Центар.
