Комитетот за жалби на Африканската фудбалска конфедерација (CAF) одлучи дека репрезентацијата на Сенегал го предаде финалниот натпревар од овогодинешниот Африкански куп на нации против Мароко. Натпреварот беше регистриран со резултат 3:0 во корист на Мароко, кој со тоа беше прогласен за шампион.
Одлуката е донесена по жалбата поднесена од мароканската федерација, повикувајќи се на членовите 82 и 84 од Правилникот за Африканскиот куп на нации. Комитетот за жалби на CAF ја потврди жалбата на Мароко и ја поништи претходната одлука на Дисциплинската комисија.
Беше утврдено дека однесувањето на сенегалската репрезентација претставува прекршување на горенаведените членови, поради што беше прифатен протестот на Мароканската федерација. Врз основа на член 84 од Правилникот, сенегалската репрезентација беше прогласена за одговорна за предавањето на натпреварот, кој беше регистриран со официјален резултат 3:0 за Мароко.
Што се случи?
Да потсетиме дека Сенегал го напушти теренот во еден момент од финалето на Купот на нации, одиграно на 18 јануари 2026 година, поради контроверзни судиски одлуки. Во третата минута од судиското продолжение, Сенегал постигна гол за водство од 1-0, но судијата Жан-Жак Ндала од ДР Конго го поништи голот поради сомнителен фаул во нападот.
Три минути подоцна, судијата повторно беше во центарот на вниманието, досудувајќи пенал за домаќините откако Ел Хаџи Малик Диуф го собори Дијаз по корнерот. Неговата одлука беше потврдена од ВАР, што ги налути и разбесни сенегалските навивачи.
Тренерот Папе Тиау дури ги повлече играчите во соблекувалната и се чинеше дека играта нема да продолжи. Сепак, по дваесет минути, Сенегалците се вратија на теренот. Брахим Диаз шутираше за шампионската титула, се обиде да постигне гол со „паненка“, но Едуар Менди остана на средината од теренот и го одбрани неговиот удар, по што натпреварот отиде во продолжение. Во продолжението, Папе Геје постигна гол за Сенегал за победа од 1:0 и титулата африкански шампион, која сега му е одземена.
The post Шокантна одлука во Африка. Сенегал е лишен од Купот на нации, Мароко е прогласен за шампион appeared first on Во Центар.
