Повеќе од 40 килограми хашиш, со улична вредност од 320.000 евра, биле пронајдени исфрлени на брег на плажа на југоисточниот остров Родос, соопштија грчките власти.

Според Катимерини, дрогата е откриена во петокот во Плимири, во близина на Линдос, се наведува во соопштението на Крајбрежната стража. Во него се додава дека дрогата била спакувана во затворена плетена корпа од слама и имала вкупна тежина од 42,8 килограми.

Грчките власти на Родос сега ги следат плажите за евентуални нови пакети со хашиш. Сè уште не е јасно од каде потекнува дрогата пронајдена во Плимири.