На граничниот премин „Богородица“, од завчера напладне до вчера напладне, во земјата влегле 6.864 македонски државјани, додека 1.394 излегле. Во истиот период, во земјата влегле 4.753 странски државјани, додека 5.070 излегле, информира Министерството за внатрешни работи, по денешниот почеток на целосната имплементација на новиот дигитален систем на Европската Унија, EES, за влез и излез од Шенген зоната.
Преку граничниот премин „Табановце“ од завчера во 12:00 часот до вчера во 12:00 часот излегле 9.150 граѓани, додека влегле 3.158. Што се однесува до странските државјани, во истиот период од нашата земја влегле 7.360, додека нашата земја ја напуштиле 5.449 лица.
Во истиот период, од граничниот премин Дојран излегле 546 граѓани, додека влегле 241. Исто така, влегле 1.212 странски државјани, додека излегле 1.114. Во тој период, 831 граѓани го користеле граничниот премин Меџитлија за влез, а 129 за излез. Преку тој граничен премин во земјата влегле 3.347 странски државјани, а излегле 3.038.
Граничниот премин Дојран соопшти дека првиот ден од лансирањето на новиот дигитален систем на Европската Унија поминува без поголеми застои и дека сообраќајот се одвива нормално и покрај долгиот викенд.
„Нема посебно зголемување на бројот на регистрирани возила, за разлика од другите денови. На границата со Македонија има чекања до пет минути, а на грчката граница од 10 до 15 минути. Првиот ден од имплементацијата на новиот систем се одвива непречено“, соопштија од граничниот премин Дојран, од каде велат дека ситуацијата е иста како и на граничниот премин Богородица во Гевгелија.
Целосната имплементација на Системот за влез во Европската Унија на надворешните граници на ЕУ воведува нов, дигитализиран начин на регистрација и проверка на граѓаните што патуваат за краткорочен престој од земји надвор од ЕУ.
Со воведувањето на овој систем, влезовите и излезите се евидентираат електронски, а системот ќе овозможи обработка на основни биометриски податоци (отпечатоци од прсти и фотографија), со цел побрза идентификација и поефикасно следење на дозволениот престој во согласност со правилото „90 дена во период од 180 дена“, што би го зголемило времето поминато на граничните премини за влез во ЕУ.
The post Над 16.000 македонски граѓани ја напуштија земјата за продолжениот викенд appeared first on Во Центар.
