Министерот за транспорт и врски, Александар Николоски, изјави дека Македонски железници-Транспорт потпишале договор со ЕБОР за најмалку пет нови товарни локомотиви, а работиме и со Светската банка за набавка на нови возови.

„Кон овие работи се додава и проектот за урбан воз, каде што првата линија ќе започне со работа на 1 септември, како и набавката на нови електрични автобуси“, изјави тој.

Николоски нагласи дека ова е „еден од најважните проекти што ги спроведуваме, иако не е голем по обем“.

„Прво, тоа во голема мера ќе помогне во намалувањето на загадувањето во Скопје, второ, ќе го промени системот на живеење во приградските населби и трето, ќе донесе култура на користење помалку автомобили, а повеќе возови. И најважно од сè – ова се проекти што ги имаат најголемите европски градови. Ние ја користиме постојната инфраструктура што ја имаме мудро, само ја подобруваме. Веќе сме во напредна фаза на линијата што се протега од Зелениково – Драчево – Лисиче – Кисела Вода – Аеродром до новата железничка станица во Скопје. Таа треба да биде завршена до крајот на јуни, за да може оваа линија да работи од 1 септември“, изјави Николоски.

Паралелно со ова, додава вицепремиерот, се изведуваат проектантски работи со Градежниот факултет и во втората половина од оваа година ќе биде распишан тендер за другите две линии – од новата железничка станица преку Бутел – Скопјр Север до Ѓорче Петров, и другата линија од новата железничка станица преку Автокоманда – Маџари и завршува во Илинден.

Пронајдете не на следниве мрежи:

• 
• 
• 
• 
• 
•