Американскиот претседател Доналд Трамп се обрати на прес-конференција по самитот на Г7 во Франција и се осврна на убиството на моќниот ирански генерал Касем Сулејмани.
– Тој беше шеф во Иран и сите го почитуваа, но тој беше луд гениј. Тој беше гениј, татко на бомбата покрај патот. Кога ќе видите млади мажи, а во некои случаи и жени, иако претежно млади мажи, како шетаат без нозе, без раце, со лица разнесени на парчиња – тоа е Сулејмани 95% од времето. Велат дека е 96,2% или така, но да речеме 95%. Сулејмани го направил тоа. Случајно бил од Иран, а јас го разнесов. Се сеќавате ли на тоа? Јас го разнесов – им рече Tрамп на новинарите.
Генералот Касем Сулејмани , командант на силите Кудс на Иранската револуционерна гарда, беше убиен од американските сили во јануари 2020 година во напад со беспилотно летало во Ирак. Сулејмани беше архитект на проширувањето на иранското влијание надвор од границите на земјата речиси три децении и имаше исклучително важна позиција во иранскиот режим, каде што се сметаше за национален херој.
Trump: "When you see young men walking around without legs, that's Soleimani" pic.twitter.com/v0gZhAGHU9— Aaron Rupar (@atrupar) June 17, 2026
Во Иран, да се потсетиме, постои паралелен безбедносен систем. Покрај редовната армија и другите тела, под директна контрола на врховниот верски водач, ајатолахот Хамнеи, постои и Иранската револуционерна гарда, чија гранка се силите Кудс. Командантот на оваа формација во пракса е помоќен човек од претседателот на земјата кој командува со редовната армија. Силите Кудс се формација одговорна за разузнавачка работа, специјални воени операции и политички акции насочени кон заштита на Исламската Република Иран. Самото име Кудс во превод значи Ерусалим, што испраќа порака дека крајната цел на оваа организација е да го врати тој град во муслимански раце.
Сулејмани ја презеде функцијата командант на бригадата Кудс кон крајот на 1990-тите и успеа да изгради мит за себе како вешт оперативец чие име се споменува со страхопочит.
Како еден од првите борци на Исламската револуција што ја создаде денешната теократска република, тој активно учествуваше во соборувањето на шахот. Бидејќи беше од сиромашно селско потекло, храбро се проби низ воената хиерархија , што беше особено очигледно за време на крвавата иранско-ирачка војна.
Откако ги презеде силите Кудс, тој ги трансформираше во организација чии агенти се расфрлани низ целиот свет за да ги заштитат интересите на Иран. Со години, ирански пари ги финансираат шиитските борци од Авганистан, преку Јемен, Ирак до Либан и палестинските територии.
The post „Тој беше луд гениј“ новата контроверзна изјава на Трамп: Се сети на ликвидацијата на Сулејмани, а потоа ја повтори оваа реченица двапати (ВИДЕО) appeared first on Во Центар.
