За првпат, тешко болно дете под 12 години беше еутанизирано во Холандија.
Ова беше откриено во писмо до парламентот од холандската министерка за здравство Софи Херманс. Еутаназијата беше извршена кон крајот на минатата година.
Веќе две години, еутаназијата е легална за терминално болни деца на возраст меѓу една и 12 години. Пред тоа, еутаназијата беше можна за новороденчиња и лица над 12 години.
Според холандскиот закон, родителите мора да бидат консултирани, страдањето на детето мора да биде неподносливо и не смее да има изгледи за закрепнување за детето да биде евтаназирано.
Министерот Херманс во писмото наведува дека ревизискиот комитет, формиран за внимателно следење на новиот закон, го проучил случајот на неименуваното дете и разговарал со докторот кој бил вклучен во процесот.
Комитетот ги сподели своите заклучоци со обвинителот, кој ќе одлучи дали докторот постапил во согласност со законот. Се очекува извештајот на комитетот да биде објавен наскоро.
Кога законот стапи на сила во Холандија пред две години, се очекуваше дека ќе има пет до десет случаи на еутаназија кај деца годишно.
Во 2002 година, Холандија стана првата земја во светот што ја легализираше еутаназијата за луѓе со неизлечиви болести кои предизвикуваат неподносливо физичко или ментално страдање, објавува весникот „Телеграф“.
The post Холандија: Прво еутанизирано дете под 12 години appeared first on Во Центар.
