Министерот за дигитална трансформација, Стефан Андоновски, го презентираше извештајот за двегодишната работа на ресорот што го води, велејќи дека дигиталната трансформација треба да донесе побрзи и подостапни услуги за граѓаните.
Тој нагласи дека бројот на електронски услуги на националниот портал uslugi.gov.mk е зголемен од 120 на 352, додека бројот на корисници е зголемен од 110 илјади во 2024 година на 266 илјади во моментов. Според Андоновски, зголемена е и електронската размена на податоци меѓу институциите, а се прошириле и центрите за услуги за граѓаните.
Првата и најважна промена што е направена е фокусот на националниот портал uslugi.gov.mk. Овој портал беше замислен како централна дигитална порта до државните услуги, но со години беше недоволно развиен и недоволно користен.
„Денес ситуацијата е поинаква. Бројот на електронски услуги на порталот се зголеми од 120 во 2024 година на 352 во 2026 година. Ова претставува зголемување од 193 проценти. Месечниот број на издадени услуги се зголеми од 1.354 во 2024 година на 13.435. Ова е зголемување од 892 проценти, или речиси девет пати повеќе обезбедени услуги. Бројот на корисници се зголеми од 110 илјади на 267 илјади, додека вкупниот број на поднесени барања се зголеми од 64 илјади на 340 илјади“, рече Стефан Андоновски.
The post Во Македонија, бројот на електронски услуги се зголеми од 120 илјади на 352 илјади appeared first on Во Центар.
