Американската компанија „Амазон“ денес отпушти дел од вработените во својот оддел за развој на општа вештачка интелигенција (AGI), продолжувајќи ја серијата помали реорганизации што следеа по големиот бран отпуштања на почетокот на годината.
Компанијата објави дека останува посветена на развојот на големи модели на вештачка интелигенција , но дека сака да ги насочи ресурсите кон проекти кои имаат најголемо значење за корисниците, пренесува Ројтерс.
– Се фокусираме на иницијативите што се најважни за нашите корисници со цел побрзо да напредуваме, што исто така значи тешки одлуки, вклучително и прекинување на одредени работни места во делови од организацијата на AGI – изјави портпаролот на Amazon.
Според вработените на онлајн форумите, отпуштањата ги погодија тимовите задолжени за управување со податоци и информации од вештачката интелигенција во рамките на одделот за AGI , а конкретниот број на луѓе кои ги загубија своите работни места не беше објавен.
Вештачката општа интелигенција (ВГИ) се однесува на хипотетички систем способен да учи, да се прилагодува и да решава широк спектар на задачи на ниво или над човечките способности.
Во јануари, Амазон отпушти околу 16.000 вработени , а потоа продолжи со помали намалувања на бројот на работници во одредени деловни единици, вклучително и сектори поврзани со развој на вештачка интелигенција.
The post Нов бран отпуштања: Амазон го напаѓа тимот за вештачка интелигенција appeared first on Во Центар.
